雙倒水別莊

關於部落格


Hō-ló 走反來 tī chia
  • 2496

    累積人氣

  • 0

    今日人氣

    0

    訂閱人氣

心思掠袂定--ê!

Kiám-chhái goá kin-té tō bô-éng-kai tùi chi̍t-koá lâng ū sím-mi̍h kî-thāi ê khoán, siūⁿ lóng bē-hiáu, taⁿ kàu-io̍k í-keng phó-ki̍p, chu-sìn í-keng thong-thàu--ah, sī-án-choáⁿ iáu ū chiah chē lâng kam-goān hō· mûi-thé kap chèng-kheh khan khì long-long-se̍h?


撿彩我根底就無應該對一寡人有甚物期待 ê 款,想攏袂曉,今教育已經普及--ah,資訊已經通敁--ah,是按怎猶有 chiah 儕人甘願予媒體 佮 政客牽去 long-long 踅?


Ū sî-chūn ū-iáⁿ chin ià koh kā in thé-thak--ah, hoâiⁿ-ti̍t ē khì tha̍k-tio̍h chiah-ê bûn-jī ê lâng, éng-éng sī chió-sò·, nā lâng kam-goān ti̍t-ti̍t gōng--loeh, tō-chún Siōng-tè tùi thiⁿ--ni̍h chhun-chhiú beh kā tiak, i mā bē cheng-sîn.


有時陣有影真厭閣 kā 怹體剔--ah,橫直會去讀著 chiah-ê 文字 ê 人,永永是少數,若人甘願直直戅--落,就準上帝對天--ni̍h 伸手欲 kā 觸,伊嘛袂精神。


Mûi-thé chit-chām-á teh liū--ê "Má Eng-kiú hiān-siōng" hām koh chìn-chêng ê Liân-ha̍p-kok bô beh koh ēng hoân-thé-hàn-jī ê siau-sit, tō sī 2-ê lē, khoàⁿ Bîn-chìn-tóng chi̍t-koá siáu-thiúⁿ-á sio cheⁿ chhut-lâi ai-pē-kiò-bú, bē-su thiⁿ-tē-boé-chai, aih! Goá sī tio̍h chhiò ia̍h-sī tio̍h khàu, ū-iáⁿ m̄-chai.


媒體 chit 暫仔 teh 餾--ê「馬英九現象」hām koh 進前 ê 聯合國無欲閣用繁體漢字 ê 消息,就是兩 ê 例,看民進黨一寡小丑仔相爭出來哀父叫母,袂輸天地尾災,唉!我是著笑抑是著哭,有影毋知。


Ka-tī ê bo̍k-phiau sī sím-mi̍h, iū-koh che aū-piah ū sím-mi̍h lí-iû, sím-mi̍h kin-kì, beh ēng sím-mi̍h chhiú-lō·, nā chū-lâi liân chiah--ê tō siūⁿ bô bêng, he̍k-chiá-sī chū-té tō hām lâng sio-kha̍p, lâi tàu tàu chò-hoé sī beh nî? Ba̍k-chiu khoàⁿ-bē-hn̄g, koh m̄-chai thang kian-chhî thàu-boé--ê, kan-taⁿ ē-hiau toè lâng teh phiau-liû, sī teh pìⁿ siáⁿ chèng-tī--lah, chhiūⁿ chit-hō chia̍h-sì-bīn-hong--ê, khah kín tńg-khì khùn, mài tī hia sià-sì-sià-chèng!家己 ê 目標是甚物,又閣 che 後壁有甚物理由,甚物根據,欲用甚物手路,若自來連 chiah--ê 就想無明,或者是自底就 hām 人相磕,來鬥鬥做夥是欲呢?目睭看袂遠,閣毋知通堅持透尾--ê,干凋會曉綴人 teh 飄流,是 teh 變啥政治--lah,像 chit 號食四面風--ê,卡緊轉去睏,嘜佇 hia 卸世卸眾!

請逐家參考遊子的網路日誌:啥是馬英九現象?
相簿設定
標籤設定
相簿狀態