雙倒水別莊

關於部落格


Hō-ló 走反來 tī chia
  • 2496

    累積人氣

  • 0

    今日人氣

    0

    訂閱人氣

【228特稿】2月27 ê 早起 kap 下晡

薰酒走私 ē 無法度 thang 禁,是因為專賣局 ê 薰酒品質 bái koh 吊峘價,nā 洋薰、洋酒是俗 koh 大碗,hit 當陣民間做--ê 「豐原薰」品質好、價數公道,銷到全台灣,因為行山路 gâu hông 查--著,所以 lóng 行水路,對中部用船載去到淡水起山,直接銷入去頂港,che 就是私薰 ē 對港口上岸 ê 背景。

私菸私酒之所以無法禁絕,乃因專賣局菸酒品質差而價格高,而洋菸洋酒則物美價廉,當時民間私製「豐原菸」便宜而質優,大量行銷全台,由於陸路易被查察,因此都經由水路,由中部以船運至淡水登陸,直接銷入北部,這是私菸經由港口上岸的背景。

掠私薰 ē hō· 人民 khi-mo· bái,除去賣薰 ê 生理 hām 百姓人生活有 tī-tāi 以外,koh 因為一部份走私,根底是惡質 ê 專賣局人員 kap 生理人鬥空,官員收紅包、看事辦事,kan-taⁿ kā 趁食 ê 百姓人嚴格處罰,ta̍k 家當然是氣 chhoah-chhoah。

再者取締私菸之所以引起民怨,除了售菸與小民生計攸關外,部份走私實乃不肖專賣局人員勾結商人造成,官方圖利收賄選擇性執法,卻嚴罰求得溫飽的升斗小民,人心憤憤不平。

執行法律 ê 時陣,一部份緝私員食公趁私,緝私 choaⁿ-á 起肚亭;koh 加上緝私員 kap 警察執行 ê 手路 kap 態度真差,其中 chah 銃出勤上顧人怨。

執行上,部份緝私員假公濟私,緝私變成私吞;加以緝私員及警察執法方式及態度不佳,其中以帶槍執勤最招民怨。

Tī 日本時代,一般 ê 警察是無 chah 銃--ê,若 hâ tī 身軀 ê 小刀(hông khau 洗講是「油抽仔」)mā m̄ 是正港 ê 刀,是 bē 真正 kā pu̍ih--出-來-ê,因為按呢,台灣人一下看著 kha̍p-bē-tio̍h tō gia̍h 銃哄嚇 ê 軍警,有影無法度接受,nā 軍警出勤用銃 kā 人扑著傷 ê 代誌,mā chia̍p-chia̍p 來發生。

按日據時代,一般日警並不配槍,而隨身的配刀(被謔稱「油抽仔」)也不是真刀,是不出鞘的,因此台灣人看到動不動就拔槍威嚇的軍警,實在無法接受,而軍警執勤以槍傷人的事件,更是頻頻傳出。

比論 1946 年 12 月初 9,基隆專賣局 tō 發生緝私員開銃 kā 人扑著傷 ê 案件,hit 件代誌內底 ê 6 ê 緝私員,有 1 ê hām 1947 年 2 月 27 暗時造成二二八事件 hit 6 ê 緝私員內底 ê 1 ê 相 siâng,i ê 名號做盛鐵夫!

例如 1946 年 12 月 9 日,基隆專賣局就己經發生過緝私員開槍傷人事件,而該事件中的六名緝私員之一,就是 1947 年 2 月 27 日晚肇發 二二八事件的六名緝私員之一的盛鐵夫!

官員軍警歪篙臭爛、出勤粗跤重手、百姓人生活歹過,民間大大 khioh 怨,1947 年 2 月 27 下晡,lóng-chóng ê 條件早 tō chiâu 備,代誌發生是緊 choa̍h 慢 niā-tiāⁿ。

官警貪腐、執勤粗暴、民生凋蔽,民間怒潮洶湧,1947 年 2 月 27 日下午,一切早已隱然成形,只待觸動。

1947 年 2 月 27 台灣 hit 時陣 ê 新聞紙《民報》ê 社論寫講:

1947年2月27日台灣當時的新聞紙《民報》社論寫道:

最近物價突變地在高漲,整個的經濟社會在振盪著、人民生活極端困苦,奔走駭告朝不保夕。誰都在希望政府能夠有辦法,切切實實來個解決。人民實在太夠苦了。再提起日本投降時所自設想的美麗遠景,那只有癡人。人民現在沒有絲毫的奢望,只求在最低限度的安定生活‧‧‧‧‧貧者愈貧、富者愈富,其中間的距離加緊地在離開,這種社會實在太危險了。社會階層的分化和對立,這是社會不安的根源。這個趨勢走到極端,便會變成整個社會的亂源。

最近物價突變地在高漲,整個的經濟社會在振盪著、人民生活極端困苦,奔走駭告朝不保夕。誰都在希望政府能夠有辦法,切切實實來個解決。人民實在太夠苦了。再提起日本投降時所自設想的美麗遠景,那只有癡人。人民現在沒有絲毫的奢望,只求在最低限度的安定生活‧‧‧‧‧貧者愈貧、富者愈富,其中間的距離加緊地在離開,這種社會實在太危險了。社會階層的分化和對立,這是社會不安的根源。這個趨勢走到極端,便會變成整個社會的亂源。

Chit 款批評 tī hit 時陣早 tō 無稀罕--ah,m̄-koh 無想講《民報》ē 講 kah 聖聖,kāng hit 工暗時,人民 ê 受氣 kui-ê lóng piàⁿ 倒--出-來。 當時媒體類似的批評早已見怪不怪,但沒想到《民報》一語成讖,當天下午,民怨終於全面地渲洩。
相簿設定
標籤設定
相簿狀態