關於部落格


Hō-ló 走反來 tī chia
  • 2501

    累積人氣

  • 0

    今日人氣

    0

    追蹤人氣

抵手 (稿一-3)

看 in chiâⁿ 10 分 iáu m̄ 走,Hang-kho· 細細聲 á hām 小弟 chham-siông,in 小弟真 chām-choe̍h,sûi peh--起-來走去大人 ê siû 水池 hia chhoē in a 母,a 母 toè 來到位,真好禮請 hit 2 ê cha-bó·-gín-á 離開,siáⁿ 人知影 hit 2 ê 死 cha-bó· 鬼 á 是按怎去 kā in 母--ah tâu--ê。


無 1 分鐘久,1 ê 高 chhiâng 大漢 ê cha-bó·-lâng chông--來,lóng 無借問,sûi āng 聲 七叉八耙,he 聲 bē 輸煎匙 teh koè 鼎,chha̍k 耳 koh kńg 舌,雖然 Hang-kho· 10 句有 8 句聽無,hit-ê 聲 sàu tō 已經有夠 i 心狂火 to̍h--ah;看 in 老母 kan-taⁿ 是 tiām-tiām 坐 tiàm 池 á 邊,溫柔 ê 目 chiu 獨獨注神看 in 4 ê gín-á,全 kù-chāi hit-ê siáu cha-bó· lé,thé beh chiâⁿ 10 分才走,chit-ê 形象一直到 Hang-kho· 大母人種,mā lóng iáu 留 tī i ê 心--ni̍h,he 是 thun-lún 到盡磅、甘願 lóng m̄ tú 手 ê tēng-tauh,hām 因為對 ka-tī ê 親人 siōng-kài 深 ê thiàⁿ-thàng、choaⁿ-á 無致意犧牲 ê 感情,chit 2 項相透濫,變做 Hang-kho· 無法度理解 ê 心理,親像 1 條 iân 線 nn̍g-thàng 過 i ê 心,i hit-tang-chūn kan-taⁿ 怨恨 ka-tī 細漢,bē-tàng 保護 a 母,soah tio̍h hō· a 母 無因致端 hō· 人 án-ne chau-that。


Hit 暗,i 倒 tī 眠牀頂暗靜(àm-chīⁿ)流目 sái,心內 khang-chhùi ê 血是止--ah,m̄-koh soah 留 1 條 重 hoaihⁿ-hoaihⁿ ê khî,teh tī 心肝 íⁿ-á, toè i 到大漢,pak lóng pak bē 離。
相簿設定
標籤設定
相簿狀態