關於部落格


Hō-ló 走反來 tī chia
  • 2501

    累積人氣

  • 0

    今日人氣

    0

    追蹤人氣

1 ê 藝術家 ê 名姓呼音

其中我發見 chit-ê 藝術家真心適,i 是台灣人,名號做「饒愛琴」,i hām 其他台灣人無 kâng ê 所在是伊用羅馬字寫 ê 呼音是「Rao Aikim」(相有 khah 細張,無明),名 ê 部份 kiám-chhái 是用英語來寫 Hō-ló ê 漢字呼音 ê 款。

Kî-tiong goá hoat-kiàn chit-ê gē-su̍t-ka chin sim-sek, i sī Tâi-oân-lâng, miâ hō-chò "饒愛琴",i hām kî-thaⁿ Tâi-oân-lâng bô-kâng ê só·-chāi sī i ēng lô-má-jī siá ê ho·-im sī " Rao Aikim " ( siòng ū khah sè tiuⁿ, bô bêng ), miâ ê pō·-hūn kiám-chhái sī ēng Eng-gí lâi siá Hō-ló Hàn-jī ho·-im ê khoán.

饒愛琴確實是咱國有名 ê 藝術家,i 自底 tō 是學美術--ê,除去畫圖,後--來 koh 兼做雕刻,根據網路頂 chhoē--tio̍h ê 資訊(chu-sìn),i mā 的實有參加水流柴 ê 藝術創作。

饒愛琴 khak-si̍t sī lán kok ū-miâ ê gē-su̍t-ka, i chū-té tō-sī o̍h bí-su̍t--ê, tû-khì oē-tô·, āu--lâi koh kiam chò tiau-khek, kin-kì bāng-lō·-téng chhoē--tio̍h ê chu-sìn, i mā tek-si̍t ū chham-ka chúi-lâu-chhâ ê gē-su̍t chhòng-chok.

Hō·我好玄 ê 另外一件代誌,是我發見 in 是龍潭 ê 客人,總--是 i 無 kā 名 ê 呼音全用客話,mā 無 lóng 用 Hō-ló,nā Hō-ló,應該是寫做「Jiâu Ài-khîm」,四縣客話呼音是「Ngièu Oi-khìm」,i ê 姓寫「Rao」,kiám-chhái 是華語,nā 「kim」應該是英語式寫法,有合 tī 客語(kap Hō-ló),nā 「Ai」,che tō koh 是華語、Hō-ló lóng ē 講 tit--ah,華、台、客三語透濫 ê 呼音,m̄ 知有 sím-mi̍h 起致--無?有影真心適 tī leh。
Hō· goá hò·ⁿ-hiân ê lēng-goā 1-kiāⁿ tāi-chì, sī goá hoat-kiàn i sī Liùng-thàm ê Hak-ngìn, chóng--sī i bô kā miâ ê ho·-im choân ēng Hak-fa, mā bô lóng ēng Hō-ló, nā Hō-ló èng-kai sī siá-chò " Jiâu Ài-khîm ", Si-ian Hak-fa ho·-im sī " Ngièu Oi-khìm ", i ê sèⁿ siá " Rao ", kiám-chhái sī Hoâ-gí, nā " kim " èng-kai sī Eng-gí-sek siá-hoat, ū ha̍p tī Hak-ngí ( kap Hō-ló ), nā " Ai ", che tō koh sī Hoâ-gí, Hō-ló lóng ē kóng tit--ah, Hoâ, Tâi, Hak 3 gí thàu-lām ê ho·-im, m̄-chai ū sím-mi̍h khí-tì--bô? Ū-iáⁿ chin sim-sek tī leh.

【添註】

kiám-chhái/檢彩<華語> 可能、或許。
hò·ⁿ-hiân/好玄<華語> 好奇。
相簿設定
標籤設定
相簿狀態