關於部落格


Hō-ló 走反來 tī chia
  • 2517

    累積人氣

  • 0

    今日人氣

    0

    追蹤人氣

複雜 ê 認同

Tī chia 並無按算 beh 討論營為事業在地化 kap 管理 ê 問題,主要是 gún 主管講 hit 幾句話,hō· 我印象 chiâⁿ 深,i 講:「Mài gōng--ah-lah,in 大陸人 chiah 無 hiah gām,chiâⁿ 實 kā 你當做 ka-tī 人--leh!」


Tī chia pēng bô àn-sǹg beh thó-lūn êng-ûi sū-gia̍p chāi-tē-hoà kap koán-lí ê būn-tê, chú-iàu sī gún chú-koán kóng hit-kúi-kù oē, hō· goá ìn-siōng chiâⁿ chhim, i kóng: " Mài gōng--ah-lah, in Tāi-lio̍k-lâng chiah bô hiah gām, chiâⁿ-si̍t kā lí tòng-chò ka-tī-lâng--leh ! "

我 ē 感覺 sió-khoá gông-gia̍h ê 起致,是 gún 主管是屬 tī 無台灣主權意識 hit 款--ê,i ài-beh 台灣 hām 中國 kap 做夥,nā i 講 chiah-ê 話,hō· 我真好玄。


Goá ē kám-kak sió-khoá gông-gia̍h ê khí-tì, sī gún chú-koán sī sio̍k-tī bô Tâi-oân chú-koân ì-sek hit-khoán--ê, i ài-beh Tâi-oân hām Tiong-kok kap-chò-hoé, nā i kóng chiah-ê oē, hō· goá chin hò·ⁿ-hiân.

雖然無 koh 問--loeh,究真青碰白碰 tō hām 政治主張無 kâng ê 人直接談政治,是 ē phah-pháiⁿ 感情--ê,m̄-koh i hiah-ê 話,確實顯明 tī i ê 心內,是有 bó·-mi̍h 款 ê 台灣主體意識 tī leh--ê,nā chún 連 i chit 款堅持台、中 ài kap ê 人,lóng 有 chit 號想法,lán 實在 thang 進一步來想看:台灣主體意識到底已經深化到 sím-mi̍h 程度,koh 來,lán 人 ê 認同,內底有 goā-ni̍h-á 複雜,有 goā-chē 非理性 ê 成分,nā 想 beh kā 人民簡單分做田無交、水無流 ê 2 陣人,是 goā-ni̍h-á àng-tàng--leh?Chiah-ê 代誌,是任何 beh 討論台灣政治 ê 人,lóng bē-ēng-tit 失覺察--ê。

Sui-jiân bô koh mn̄g--loeh, kiù-chin chheⁿ-pōng pe̍h-pōng tō hām chèng-tī chú-tiuⁿ bô-kâng ê lâng ti̍t-chiap tâm chèng-tī, sī ē phah-pháiⁿ kám-chêng--ê, m̄-koh i hiah-ê oē, khak-si̍t hián-bêng tī i ê sim-lāi, sī ū bó·-mi̍h-khoán ê Tâi-oân chú-thé ì-sek tī leh--ê, nā chún liân i chit-khoán kian-chhî Tâi, Tiong ài kap ê lâng, lóng ū chit-hō siūⁿ-hoat, lán si̍t-chāi thang chìn-chi̍t-pō· lâi siūⁿ-khoà: Tâi-oân chú-thé ì-sek tàu-té í-keng chhim-hoà kàu sím-mi̍h têng-tō·, koh lâi, lán lâng ê jīm-tông, lāi-té ū goā-ni̍h-á ho̍k-cha̍p, ū goā-chē hui-lí-sèng ê sêng-hūn, nā siūⁿ-beh kā jîn-bîn kán-tan hun-chò chhân bô kau, chúi bô lâu ê 2 tīn lâng, sī goā-ni̍h-á àng-tàng--leh? Chiah-ê tāi-chì, sī jīn-hô beh thó-lūn Tâi-oân chèng-tī ê lâng, lóng bē-ēng-tit sit-kak-chhat--ê.


【添註】:

倚車/oá-chhia<華語>搭便車。
無爾我/bó-jí-ngó<華語>不分彼此。
相簿設定
標籤設定
相簿狀態