關於部落格


Hō-ló 走反來 tī chia
  • 2517

    累積人氣

  • 0

    今日人氣

    0

    追蹤人氣

我干凋致意杜正勝

Mûi-thé kap kàu-i̍ok, koat-tēng 1-ê kok-ka kok-bîn ê tì-sek chúi-chún, hoán-tùi-tóng thong-koè thong-sè-kái ko·-chi̍t-ê, ēng kok-hoē chèng-tóng lâng-gia̍h thê-miâ ê Kok-ka Thoân-pò Uí-oân-hoē Hoat-àn, m̄-nā bô ha̍p tī bîn-chú chèng-tī koân-le̍k hun-li̍p ê goân-chek, koh éng-híong-ti̍oh mûi-thé ê tiong-li̍p-sèng. Taⁿ nā koh kā kàu-i̍ok kái-kek lâi pàng-sak, goá m̄-chai Tâi-oân ū siáⁿ bī-lâi.

媒體佮教育,決定一兮國家國民兮智識水準,反對黨通過通世界孤一兮,用國會政黨人額提名兮國家傳播委員會法案,毋若無合佇民主政治權力分立兮原則,閣影響著媒體兮中立性,今若閣 kā 教育改革來放拺,我毋知台灣有啥未來。

Hō· kàu-i̍ok ê loē-îong ha̍p tī hiān-si̍t kap le̍k-sú sū-si̍t, koh-khah ha̍p tī to-goân ê bûn-hoà kap cho̍k-kûn koan-liām, koè-khì kah taⁿ, lán chò liáu iáu chin íu-hān--leh, m̄-koh kok-lāi ê tâu-hâng-phài tō í-keng khì-phut-phut--ah, koh nīu-pō·, kan-taⁿ ē hō· lâng khoàⁿ-bô, hō· lâng nńg-thô· chhim-ku̍t niā-tiāⁿ.

予教育兮內容合佇現實佮歷史事實,閣卡合佇多元兮文化佮族群觀念,過去佫今,咱做了猶真有限--哩,毋閣國內兮投降派就已經氣怫怫--啊,閣讓步,干凋會予人看無,予人軟塗深掘爾定。

Kàu-i̍ok-pō· chit-chām-á hām goân-bîn-hōe chò-hoé soan-pò· " Goân-chū-bîn cho̍k-kûn gí-giân su-siá hē-thóng " ( chhiáⁿ chham-khó 如此這般寫下去), goá hām chē-chē lâng kāng-khoán, iáu teh thèng-hāu Hō-ló ê lô-má-jī kong-pò·, thè bó-gí ho̍k-heng phah-té-tì--leh. Lán ê bó-gí éng-koè hō· chèng-tī ah-ji̍h, taⁿ soe-lám kah chit-ê tē-pō·, chèng-hú ū chek-jīm lâi hû-chhah, bē-sái chhin-chhīuⁿ ū lâng kóng--ê: " thang koh tán--lo̍h-khì bô-iàu-kín, chhī-tîuⁿ ka-tī ē koat-tēng. " Koh iân-chhiân, bô-gí kan-taⁿ chhun sin-si.

教育部即暫仔唅原民做夥宣佈「原住民族群語言書寫系統」(請參考如此這般寫下去),我唅儕儕人共款,猶塊聽候 Hō-ló 兮羅馬字公佈,替母語復興扑底蒂--哩。咱兮母語往過予政治押 ji̍h,今衰荏佫即兮地步,政府有責任來扶插,袂使親像有人講--兮:「通閣等--落-去無要緊,市場家己會決定。」閣廷遷,母語干凋偆身屍。

Chin hoaⁿ-hí chai-iáⁿ Tō· Chèng-sèng koh chò kàu-i̍ok pō·-tíuⁿ, ǹg-bāng che m̄-sī hong-siaⁿ niā-tiāⁿ, mā ǹg-bāng i thè Tâi-oân ê kàu-i̍ok kap bûn-hoà, kè-sio̍k phah-phiàⁿ.
真歡喜知影杜正勝閣做教育部長,向望這毋是風聲爾定,嘛向望伊替台灣兮教育佮文化,繼續扑拼。

一篇一詞兮添註:

【sio-liâm tì-toà / 相黏蒂帶】<華語>:1. 關係密切。 2.沾親帶故。
相簿設定
標籤設定
相簿狀態