關於部落格


Hō-ló 走反來 tī chia
  • 2517

    累積人氣

  • 0

    今日人氣

    0

    追蹤人氣

Gallup 對歐洲、美國佮日本兮民意調查

Ū-bat chhut-kok ê lâng lóng chai, sui-bóng m̄-sī lóng chóng ê goā-kok pêng-íu liáu-kái Tiong-kok kap Tâi-oân ê chêng-hóng, m̄-koh tōa-to-sò· ê lâng, sī kā Tâi-oân khoàⁿ-chò to̍k-li̍p kok-ka--ê, chit-chām-á ū 1-hūn Gallup tùi goā-kok ê bîn-ì tiau-cha, mā hām chit-ê sīuⁿ-hoat ū tùi-tâng.

有捌出國兮人攏知,雖罔毋是攏總兮外國朋友了解中國佮台灣兮情況,毋閣大多數兮人,是 kā 台灣看做獨立國家--兮,即暫仔有一份Gallup 對外國兮民意調查,嘛唅即兮想法有對同

Chit-hūn tùi Bí-kok, Eng-kok, Ji̍t-pún, Hoat-kok kap Tek-kok chò ê tiau-cha, hoat-hiān ū 75% kàu 81% ê peh-sèⁿ-lâng, jīn-uî Tiong-kok kap Tâi-oân sī 2-ê koh-īuⁿ ê chú-koân kok-ka, nā in ê thâu-lâng lāi-té, 10-ê mā ū 6-ê sī chit-khoán ê khoàⁿ-hoat.

即份對米國、英國、日本、法國佮德國做兮調查,發現有 75% 到 81% 兮百姓人,認為中國佮台灣是 2 兮各樣兮主權國家,若怹兮頭人內底,10 兮嘛有 6 兮是即款兮看法。

Chiàu án-ne lâi kóng, Tiong-kok chèng-hú tiāⁿ kóng " kok-chè-siōng lóng chai-iáⁿ Tâi-oân sī Tiong-kok ê chi̍t-pō·-hūn ", che ke-kui choaⁿ-á koh tu̍h phoà. Chóng--sī che kin-té mā ha̍p-tī lán chhut-kok tùi goā-kok-lâng thiaⁿ-ti̍oh ê ìn-sīong, sī lán ka-tī ê lâng teh loān, sim-thâu lia̍h bē-tiāⁿ niā-tiāⁿ.
照按呢來講,中國政府定講「國際上攏知影台灣是中國兮一部份」,這雞 kui choaⁿ-á koh 揬破。總--是這根底嘛合佇咱出國對外國人聽著兮印象,是咱家己兮人 teh 亂,心頭掠袂定爾定。

一篇一詞兮添註:

【tùi-tâng / 對同】:

<華語>:
1.符合、吻合、相同
                     2.恰當
                     3.投緣
相簿設定
標籤設定
相簿狀態